Turkiga: 80 qof oo ku dhimatay weerar ka dhacay Ankara

Image

10 Octobar, 2015(GO)-Wararka ka imaanaya magalada Ankara ee dalka Turkiga ayaa sheegaya inay dhinteen ugu yaraan 80 qof halka dhaawucu kor u dhaafayo boqol iyo Soddon ruux.

Wasaaradda Arrimaha Gudaha Turkiga ayaa shaacisay khasaaraha ka dhashay labo qarax oo lala eegtay boqolaal qof oo isugu soo baxay goob tareenka laga raaco kuwaasi oo ka banaan baxayay khilaafka u dhaxeeya dowladda Turkiga iyo kooxda gooni isu taaga PKK.

Ilaa hadda cidna ma sheegan qaraxyada dhacay, waxaana dowladdu sheegtay inay baaritaan ku samaynayso sida wax u dhaceen iyo cidda ka dambeysay.

Ra'isal wasaaraha dalkaasi Ahmet Davutoğlu, ayaa kulan dag dag ah isugu yeeray saraakiisha amniga, isagoo kala hadlay sidii gacanta loogu soo dhigi lahaa cida falkan gaystay iyo in dowladdu ka hortagto weeraro noocan oo kale ah kuwaasi Turkiga ka dhaca.

Turkiga ayaa ku jiray feejignaan tan iyo markii uu bilowday weerar ka dhan ah ururka ISIS ee ka dagaalamay qaybo ka mid ah dalalka Bariga dhexe.

GAROWEONLINE

Related Articles

Mareykanka: Dowladda Soomaaliya waxay ka laabatay Go'aankii Baasaboorka Taiwan 

Dowladda Soomaaliya wali si rasmi ah uma xaqiijin hadalka diblomaasiga Mareykanka ee ka noqoshadda xayiraadda baasaboorka Taiwan.

  • Caalamka

    11-06-2025

  • 12:18PM

Iran oo weeraraysa saldhigyada Maraykanka Haddii Wadahadallada Nukliyeerka Fashilmaan

Hanjabaaddan ayaa imaneysa iyadoo ay cirka isku sii shareerayaan xiisadaha u dhexeeya labada dal.

  • Caalamka

    11-06-2025

  • 10:47AM