Turkiga oo xiray qof lagu tuhmayo Al-Shabaab
-
WARIYAHA ANKARA GAROWE ONLINE
- Posted On 24-02-2021, 10:45AM
ANKARA, Turkey - Wakaaladda wararka u faafis Turkiga ee Anadolu Agency ayaa shaaca ka dhigtey in ciidamadda ammaanka ay magaalada caasimadda ah ee Ankara ku qabteen la tuhunsane Al-Shabaab ah.
La tuhunsanaha ayaa, sidda ku xusan warbixinada, waxaa lagu soo xiray howlgal wadajir ah oo ay sameeyeen ciidamaxda booliska iyo Taliska Hay'adda Sirdoonka.
Balse, warbixinta oo laga soo xigtey illo wareedyo magacyadooda uga gaabsaday in aan loo ogoleyn in ay saxaafadda u waramaan ayaan lagu caddeyn magaca shaqsiga la qabtey.
Sidda ku cad warbixinta, howlgalka suurtageliyey in gacanta lagu soo dhigo shaqsigaas waxaa loo jaray waaran ama balwo si meesha uga baxdo sheegasho sharci darro ah.
Fahfaahinada horudhaca ah ayaa tilmaamaya in shaqsigaas uu haysto dhalashadda Jarmalka iyo Talyaaniga isla marlaana magaciisa waxaa lagu soo koobay A.B.
Al-Shabaab ayaa ka dagaalanta gudaha Soomaaliya balse waxay xilliyadda qaar ay falal liddi ku ah nabad-gelyadda ay ka fulisaa gudaha waddanka Kenya.
Turkiga ayaa kamid ah wadamadda sanadihii lasoo dhaafay sarreu-qaadey joogitaankooda Soomaaliya waxaana dowladda federaalka ah ay ka taageeraan dhismaha ciidanka iyo dabar-goynta maleyshiyada argagixisadda.
GAROWE ONLINE
