UK: Eryida haweenay Muslim wasiir ahayd oo la baarayo

Nusrat Ghani ayaa ku andacootay in loo beegsadey sababo la xiriira caqiiqadeeda.

LONDON, Ingiriiska - Ra'iisul wasaaraha Britain, Boris Johnson, ayaa amar ku bixiyay in baaritaan lagu sameeyo sheegashada haweeney muslimad ah oo horay wasiir u ahaan jirtay in looga ceyriyay dowladdiisa sababo la xiriira caqiidada, sida uu sheegay afhayeenkiisa.

Sheegashada Nusrat Ghani, wasiirkii hore ee gaadiidka da'da yar, ayaa muran cusub ka dhaliyay aqalka Downing Street iyadoo Johnson uu sugayo natiijooyinka baaritaan ka duwan "astaanta saxda ah xisbigiisa".

Johnson ayaa markii hore ku booriyay Ghani in ay cabasho rasmi ah u gudbiso xisbiga Conservative-ka. Balse way ka gaabsatay, iyadoo ku doodday in eedaymahaasi ay salka ku hayaan xukuumadda oo aanay ahayn shaqada xisbiga.

Ghani oo si deg-deg ah uga falcelisay amarka Johnson ayaa soo dhaweysay baaritaanka cusub, kaasoo lagu dhawaaqay ka dib markii ay wadahadal la yeelatay Johnson fiidnimadii Axadda.

"Sida aan xalay u sheegay ra'iisul wasaaraha, waxa kaliya ee aan doonayo waa in arrintan si dhab ah loo qaato, isagana uu baaritaan ku sameeyo," ayay ku soo qortay barteeda Twitter-ka.

49-jirtan ayaa laga ceyriyay xilka wasiirka gaadiidka sanadka 2020, waxayna u sheegtay Sunday Times "in jeegaanka ay ku wargeliyeen Muslinimadeeda ay tahay sababta dhabta ah ee keentay in ay shaqadeeda waydo".

Wasiirka koowaad ee UK ayaa wajahaya cadaadis kaga imaanaya xisbigiisa iyo mucaaradka kuwaasoo ku eedeeyay in uu baalmarsan sharciga uu isagu soo rogay ee xakameynta Covid-19 kadib markii uu la xafladeeyay xubno kamid ah xafiiskiisa iyo wasiiradda xukuumadiisa.

GAROWE ONLINE