Wasiir Israa’iili ah oo soo jeedisay in dib u dejin loo sameeyo shacabka Qasa

QASA (GO) - Wasiirka Sirdoonka Israa'iil Gila Gamliel ayaa ugu baaqday beesha caalamka in ay dhiirigeliyaan in Falastiiniyiinta meel ka baxsan Qasa loogu sameeyo dib u dejin, halkii ay lacag u uruurin lahaayeen dib u dhiska Marinka.

Qoraal ay ku daabacay wargeyska Jerusalem Post, wasiir Gamliel, ayaa soo tiri, "Waa in dib u dejin loogu sameeya Falastiiniyiinta meel ka baxsan Qasa sababo bini'aadantinimo."

Wasiirka Israa’iil ayaa sidoo kale dhaleeceeyn u jeedisay Hay’adda Qaramada Midoobay u qaabilsan Gargaarka iyo Shaqada ee Qaxootiga Falastiin (UNRWA).

Wadamada Carabta, gaar ahaan dalalka deriska la ah dhulka Falastiin, ayaa diiday fikradda ah in dadka deggan Qasa laga saaro Marinka lana dejiyo meel ka baxsan, iyaga oo xusay in tani ay la macno tahay "baabi’inta qadiyadda Falastiin."

GAROWE ONLINE