Xiisad ka taagan Burundi iyo Nkurunziza oo loo diidey inuu dalka kusoo noqdo

Image

May 14, 2015 (GO)- Rasaas ayaa laga maqlayaa bartamaha caasimadda Burundi halkaas oo uu ka dhacay iskuday inqilaab ka dhan ah madaxwayne Pierre Nkurunziza.

Waxaa la soo sheegayaa in haatan ciidammada dalka Burundi ay u kala jabeen laba dhinac; koox taageersan inqilaabka iyo kuwa ka soo horjeeda.

Janaraal Godefroid Niyombareh, ayaa ku dhawaaqay in la dhisay guddiga badbaadinta qaranka si ay dalka u maamulaan, balse yeeshee, ma cadda inta ay dhantahay taageerada isaga iyo saraakiisha kaleba ay haystaan.

Dib u laabasho ma suurtagelin
Sarkaal ka tirsan Dawladda Tanzania ayaa BBC-da u sheegay in madaxweynaha dalka Burundi Pierre Nkurunziza, aysan u suurta galin in uu dib ugu noqoda dalkiisa, si uu ula tacaalo inqilaabka dhacay.

Diyaaradii waday waxa ay dib ugu noqotay Tanzania, halkaas oo uu kaga qeybgalay kullan madaxeedka wadammada gobalka Bariga Afrika ee looga hadlayay xaalada dalkiisa.
Waxaa loo sheegay in diyaaraddii siday aysan ka degi karin garoonka Bujumbura oo ay gacanta ku hayaan kuwa afgembiga sameeyay.

Madaxweynaha Burundi Pierre Nkurunziza

Madaxwayne Nkurunziza waxa uu diiday baaqyadii loo soo jeedinayay ee ku aadanaa in uu ka laabto in uu isu sharaxo markii saddexaad doorasha la qorsheeyay in la qabto bisha soo socota.

51 jirkan horay u ahaa hogaamiye jabhad waxa uu ku doodayaa in markii koobaad ay baarlamaanku doorteen 2005, sidaas daraadeedna aan loo xisaabin, oo uu xaq u leeyahay labo jeer oo ay shacabku doortaan.

Xigasho: BBC

Related Articles

Sadiq Khan: Muxuu Trump igu mashquulay anigoo duq magaalo ah, oo qol uga degay Maskaxdiisa?

Balse Sadiq Khan ayaa isagu jawaabtiisa ku sheegay: “Waxaan si weyn ugu faanayaa horumarka aan ka sameyneyno magaalada London.

  • Caalamka

    24-09-2025

  • 11:52AM

Muftiga Guud ee Sacuudiga, Sheikh Abdulaziz bin Abdullah Al-Sheikh, oo geeriyooday

Dhaxal Sugaha Boqortooyada Sacuudiga, Maxamed bin Salman – oo hadda gacanta ku haya maamulka maalinlaha ah ee dalka.

  • Caalamka

    24-09-2025

  • 08:12AM