Yahuuda oo ciidamo dhulka ah gelisay koonfurta dalka Lubnaan

Weeraro ka dhacay Lubnaan ayaa lagu dilay ugu yaraan 95 qof Isniintii, sida ay sheegtay Wasaaradda Caafimaadka ee dalkaas.

DOOXA, Qadar - Askarta Israa'iil ayaa gudaha u galay Lubnaan ka dib markii ay ciidamadu ku dhawaaqeen hawlgal "xadidan" oo dhulka ah oo ka dhan ah Xisbullah.

Yahuuda ayaa duqeymo kale oo dhanka cirka ah ku qaaday duleedka koonfureed ee Beirut, iyadoo duqeysay xaafado dhowr ah kadib markii ay ku amartay dadka deegaanka in ay isaga guuraan.

Weeraro ka dhacay Lubnaan ayaa lagu dilay ugu yaraan 95 qof Isniintii, Wasaaradda Caafimaadka ee dalka ayaa sheegtay.

Dhanka kale, Hawlgalka Ganacsiga Badaha ee Boqortooyada Ingiriiska (UKMTO) ayaa sheegay inay heleen warbixin ku saabsan shil ka dhacay meel 64 nautical miles (188km) u jirta xeebta magaalada Xudeydah ee dalka Yemen.

UKMTO waxay sheegtay in "afar tufaax ah [lagu arkay] meel u dhow markabka", laakiin wuxuu raaciyay "dhammaan shaqaaluhu way bad qabaan, markabkuna wuu socdaa". Waxay kula talisay maraakiibta inay si taxadar leh ugu gudbaan aagga.

Xuutiyiinta Yemen ayaa ballan qaaday inay sii wadi doonaan weerarada ay ku hayaan magaalooyinka iyo maraakiibta Israel ee ku sugan badda cas iyo gacanka cadmeed ilaa iyo inta ay Israel joojinayso dagaalka ay ku hayso Lubnaan iyo Qaza.

GAROWE ONLINE