Baaq loo diray shirkadaha doonaya shidaalka Soomaaliya

GAROWE, Puntland - Shirkadaha quudareynaya shatiga shidaalka Soomaaliya waa in aysan ku gadsoomin habraaca ay waddo xukuumada waqtigu ka dhaca, sida ay cod dheer ugu baaqdey dowladda Puntland.

Wasaaradda Tamarta, Macdanta iyo Biyaha maamulkan xaruntiisu tahay Garowe ayaa sheegtay in heshiis kasta oo shirkaduhu la galaan dowladda waqtiga ka dhaceysan marnaba aqoonsan doonin.

Sida ku xusan bayaan kasoo abxay wasaaradda kaasoo uu arkay Garowe Online, Puntland ayaan sidoo kale waxa aysan aqoonsaneyn Hay’adda maamulka Shidaalka Soomaaliya.

"Dowladda Puntland kama mid aha mana aqoonsana Hay’adda Shidaalka Soomaaliya “Somali Petroleum Authority”, sidoo kale Puntland ma aqoonsana heshiisyada iyo shaqada xaruntaasi (SPA)," ayaa lagu yiri bayaanka.

Qoraalka ayaa la raaciyey: Dowladda federaalka ah ee Soomaaliya maadaama uu wakhtiga uga eekaa 8, February 2021, hadda oo ay xil gaarsiin uun yihiin awood uma lahaa in ay heshiisyo caalami ah galaan.

"Puntland waxay u soo jeedinaysaa Shirkadaha daneenaya Soomaaliya inay ka qaataan Shatiyada Hydrocarbon-ka in ay sugaan inta dalku doorashada ka baxayo, oo ay dowladd cusub imanayso, waayo iyada awood u leh oo laga raba in ay ka shaqeyso maamulka kheyraadka si heshiis lagu wadayahay," ayaa lagu soo gabagabeeyay war-saxaafadeedka.

Dhawaqa Puntland ayaa kusoo aadaya xilli Wasaaradda Batroolka Soomaaliya ay waqti aysan cayimin u qabatay bilowga bixinta ruqsadaha shidaal baarista ka gedaal markii xilligii loo balamay ay qabsoomi wayday.

Hoos ka akhriso bayaanka Puntland

GAROWE ONLINE