Dagaalka magaalada Laascaanood oo saameeyay isbitaalada
-
WARIYAHA GAROWE GAROWE ONLINE
- Posted On 09-02-2023, 03:40PM
GAROWE, Puntland - Magaalada Laascaanood ee xarunta gobalka Sool ayaa maalintii afaraad oo xiriir ah waxaa halkaasi ka dhacay dagaal u dhaxeeya ciidamada Somaliland iyo dadka degaanka.
Xarumaha caafimaadka ayaa si wayn ay u saameeyeen dagaaladu iyada oo la geeyay dhaawacyo ka badan ku talo-galkooda arintaasi oo keentay in dhaawacyada fudud laga saaro isbitaalada lana geeyo deegaanada u dhaw xarunta gobolka Sool.
Agaasimaha Isbitaalka Guud ee Magaalada Laascaanood, Dr Axmed Maxamed Xasan, ayaa Garowe Online u xaqiijiyay in madfac uu ku dhacay qaybo isbitaalka kamid ah.
Sawirro ay heshay GO ayaa muujinaya in qaybta Oxygen-ka ee isbitaalka guud ee magaalada ay waxyeelaysay firirka madfaca taasi oo keentay in ay hawl-gab noqdaan mishiinada Oxygenka.
Oxygenka ayaa muhiim u ah bukaanada xaaladu ay adag tahay taasi oo keentay in bukaano badan loola soo cararo Garowe. Sidoo kale, qaar kale oo kamid ah dhaawacyadda ayaa loo qaadey Muqdisho.
Ku dhawaad 70 qof ayaa ku dhintay tiro kalana waa ay ku dhaawacmeen dagaalka magaalada Laascaanood ku dhexmaray ciidamadda Somaliland iyo dadka degaanka afartii casho ugu dambeysay.
Ugu yaraan 69 qof oo ay ku jiraan caruur ayaa lagu dilay magaalada saddexdii maalmood ee lasoo dhaafay, sida uu khadka taleefoonka ugu sheegay Garowe Online mid ka mid ah dhakhaatiirta isbitaalka.
GAROWE ONLINE
