Guddiga TPEC oo yeeshay hogaan ku meelgaar ah

Gudoomiyihii Gudiga KMG ee doorashooyinka Puntland, Guuleed Saalax ayaa ku dhawaaqey Maanta inuu xilkii iska-casiley.

GAROWE, Puntland - Xubnaha sare ee Guddiga ku meelgaarka doorashada Puntland ayaa iska dhex-doortay Gudoomiye iyo Gudoomiye ku xigeen KMG ah waxayna si wada jira usoo saareen warsaxaafadeed.

Doorashaddan ka dhex-dhacdey xarunta dhexe ee TPEC ayaa ka dambeysay kadib iscasilaadii Gudoomiyihii Guddiga Doorashooyinka Puntland Guuleed Saalax Barre iyo ku xigeenkiisii Jaamac Xirsi Faarax.

Afhayeenka Guddiga Cabdinuur Sheekh Maxamed ayaa war-saxaafadeedka guddigan waxaa uu la wadaagay saxaafadda isaga oo si rasmi ah u xaqiijiyey sax ahaanshiyaha bayaanka.

Gudoomiyihii Gudiga KMG ee doorashooyinka Puntland, Guuleed Saalax oo qoraal ku daabacay ciwaankiisa Facebook-ga ayaa ku dhawaaqey Maanta inuu xilkii iska-casiley.

Qoraalkiisa oo kooban isla markaana ay dad badan ka falceliyeen ayuu ku shaaciyay go'aankiisa, isagoo u sababeeyay duruufo soo wajahey, oo uusan la wadaagin bulshadda.

Gudoomiyaha Baarlamaanka Puntland iyo xubnaha Gudiga TPEC ayuu Guuleed shaaca ka dhigay inuu la wadeegay is-casilaadiisa kahir inta uusan dadweynaha la wadaagin.

Guuleed ayaa mudo labo sano iyo bar gudoomiye ka ahaa TPEC, oo shaqadeedu tahay inay Puntland ka qabato doorashooyinka Golayaasha degaanka, si nidaamka dimuqraadiga loogu gudbo kuna guuleystay wajiga horey.

HOOS AKHRISO BAYAANKA GUDDIGA

GAROWE ONLINE