10 Safiir oo Soomaaliya ku matali doona dalalka Caalamka oo la ansixiyay

Golaha Wasiirrada ayaa maanta kulankoodi toddobaadlaha ahaa ku ansixiyay magacaabita 10 Safiir.

Muqdisho, Soomaaliya - Golaha Wasiirrada Xukuumadda Jamhuuriyadda Federaalka Soomaaliya ayaa maanta kulankoodi toddobaadlaha ahaa ku ansixiyay magacaabita 10 Safiir oo dalkeenna uga howlgeli doona qaar ka mid ah dalalka caalamka.

Kulanka Golaha ayaa waxaa guddoominayey Ku-simaha Ra’iisul Wasaaraha ahna Ra’iisul Wasaare ku-xigeenka XFS Saalax Axmed Jaamac.

War qoraal ah oo ay dowladdu soo saartay ayaa lagu sheegay in Safiirrada la magacaabay ay kala yihiin:

1. Cabdicasiis Maxamuud Maxamed (Farabadane)
2. Cabdullaahi Maxamed Sheekh Cabdullaahi
3. Cali Cabdi Awaare
4. Cali Maxamed Abuukar (Ali Wolf)
5. Bashiir Xasan Xaaji
6. Fathudin Cali Maxamed
7. Xuseen Cabdi Xalane
8. Khadiija Cosoble Cali
9. Khadra A Dualle
10. Ridwan Xirsi Maxamed

Golaha ayaa sidoo kale meelmariyay Habraaca Dhaqangelinta Xakameynta Hubka, Rasaasta iyo Waxyaabaha Qarxa, taasi oo la sheegay in lagu xakameynayo qaraxyada sida sharci darrada ah loo adeegsado.

Shirka Golaha Wasiirrada ayaa lagu soo bandhigay warbixinno la xiriira amniga guud ee dalka, dib-u-habeynta dhakhliga, xogta heshiisyada dowladda iyo cayaarahii Dowlad goboleedyada dalka oo dhawaan si guul ah ugu soo ku soo idlaaday Muqdisho.

GAROWE ONLINE