1200 Qaxooti ka yimid Yamen oo gaarey magaalada Bosaso
-
- Posted On 26-04-2015, 04:17PM
BOSASO 26 April,2015 (GO)- Qaxooti gaaraya 1200 qof oo kasoo cararey dagaalada ka socda dalka Yamen ayaa soo gaarey maanta magaalada Bosaso.
Dadkaan oo isugu jiray dumar, caruur, dhalinyaro ayaa sheegey iney kasoo carareen duqeymaha ka socda magaalo madaxda dalka Yamen ee Sanca.
Dadka la socdey doonidaan waxaa ka hortagey saraakiisha gobolka barri iyo kuwa wasaarada caafimaadka kuwasoo noqanaya dufcadii labaad ee ugu badneyd oo soo gaarta Puntland.
Dowlada Federaalka oo wasiirro ka tirsani saxaafada u sheegeen iney wax ka qabanayaan qaxootiga dalka Somalida ee ka imaanaya Yamen ayaa talaabo ka qaadin dadka ku soo qulqulaya Puntland iyo Somaliland.
GAROWEONLINE
