14 qof ku dhimatay dagaal ka dhacay magalada Baladweyne
-
- Posted On 19-10-2015, 06:31PM
19 Octobar, 2015(GO)-Dagaal dhaliyay dhimashada 14 ruux iyo dhaawaca 20 kale ayaa maanta ka dhacay magalada Baladweyne xarunta gobolka Hiiraan.
Dirirta ayaa dhexmartay labo mallayshiyo beeleed isku maan dhaafay gaari nooca xamuulka qaada oo mid ka mid ah mallaysiyaadkaasi dalbadeen canshuur, halka kooxda kale ku gacan sayrtay.
Hubka noocyadiisa kala duwan ayaa dagaalkaasi la isu adeegsaday, waxuuna ka dhacay xaafadda Hawlwadaag ee magalad Baladweyne
Waxaa socda dadaalo ay wadaan odoyaasha dhaqanka, taasi oo ay ku doonayaa sidii loo hakin lahaa dhiig mar kale daata.
GAROWEONLINE
