Afar murashax oo ku tartamaya doorashada Madaxweynaha Jubaland
-
- Posted On 13-08-2015, 10:12AM
August 13, 2015 (GO)- Afar murashax ayaa ku tartami doona doorashada madaxweynaha Jubaland oo lagu wado in ay magaalada Kismaayo ka dhacdo maalinta Sabtida ee taariikhdu ku beegan tahay August 15, 2015.
Afarta murashax oo sida guddiga doorashadu sheegeen soo buuxiyey dhammaan shuruudihii lagu xiray murashaxiinta, waxay magacyadoodu kala yihiin:
Axmed Maxamed Islaam (Axned Mdoobe).- Hilowle Aadan Maxamed.
- Maxamed Cismaan Yuusuf.
- Cusmaan Xuseen Xaaji (Feyruus).
Qaabka doorashadu u dhacayso waa qarsoodi, waxaana madaxweynaha cusub dooran doona baarlammaanka dhowaanta lasoo xulay ee Jubaland, kuwaas oo tiradoodu tahay 75 xildhibaan.
Madaxweynaha waqtigiisu sii dhammaanayo ee Axmed Madoobe ayaa loo badinayaa inuu doorashada ku guuleysan doono.
Dhanka kale, ammaanka magaalada Kismaayo ayaa si weyn loo adkeeyey, waxaana socda diyaar garow xooggan oo ku aadan doorashada.
Garowe Online ayaa si toos ah idiinku soo gudbin doonta wararka ku saabsan doorshada...
GAROWE ONLINE
