Aqalka Sare oo meelmariyey sharciyo ay diideen maamuladda
-
WARIYAHA MUQDISHO GAROWE ONLINE
- Posted On 09-02-2020, 06:00PM
MUQDISHO, Soomaaliya – Aqalka Sare ee baarlamaanka federaalka Soomaaliya ayaa maanta oo Axad ah fadhi caadi ah ku yeeshay xaruntooda magaalada Muqdisho.
Cabdi Xaashi Cabdullaahi, afhayeenka golaha, ayaa gudoomiyey kulanka oo ay ka maqnaayeen qaar kamid ah mudaneyaasha.
Ajendaha wuxuu ahaa;
Akhrinta 3aad ee Hindise-sharciyeedka Hanti-dhoowrka Guud ee Qaranka iyo Akhrinta 2aad ee Hindise -sharciyeedka Duulista Rayidka
Dood iyo warbixin kadib, Xildhibaanadda ayaa cod u qaadey labadda xeer, oo ay qaadaceen qaar kamid ah maamuladda Soomaaliya.
Hindise-sharciyeedka Duulista Rayidka waxaa ogolaatay 29 mudane; ma jirin cid diidey iyo mid ka aamustay.
Xeerka Hanti-dhoowrka Guud ee Qaranka waxaa ogolaatay 25 Xildhibaan, iyaddoo ay kasoo horjeesteen afar kale.
Dowlad goboleedyadda diidey sharciyaddan ayaa ku cuskanaya in aan laga talagelin iyo in ay ku jiraan qabobo baalmarsan Dastuurka.
Goleyaasha sharci-dejinta Soomaaliya ayaa bilooyinkii lasoo dhaafay mariyey xeerar, iyaggoo iska indha-tiray fariimaha maamulada oo ku doodaya in aan loo dhameyn.
GAROWE ONLINE
