Askari ku dhintay iska-horimaad dhexmaray ciidanka Dowladda
-
- Posted On 04-10-2015, 06:20PM
04 Octobar, 2015(GO)-Is-rasaasayn maanta dhexmartay ciidanka Dowladda Somalia ayaa sababtay dhimashada hal askari iyo dhaawaca mid kale.
Lama oga sababta keentay iska-horimaadka, balse labada ciidan ayaa kala ahaa kuwa sugayay amniga iyo ciidamo ilaalinayay shaqaalaha canshuurta uruuriya.
Dagaalka ayaa ka dhacay agagaarka suuqa Bakaaraha ee magalada Muqdishu, waxaana khilaafka labada ciidan keentay inay goobta yimaadaan ciidan saddexaad oo kala dhexgalay kuwaasi oo hakiyay rasaasta labada ciidan.
Dowladda Somalia weli kama hadlin arrinta ka dhacday Suuqa Bakaaraha.
GAROWEONLINE
