Axmed Madoobe oo xilal u dhiibey saraakiil xukuumaddiisa mucaarad ku ahaa
-
- Posted On 11-08-2015, 07:42AM
August 11, 2015 (GO)- Madaxweynaha Jubaland ee waqtigiisu sii dhammaanayo Mudane Axmed Madoobe ayaa xilal u dhibey labo sarkaal oo horay mucaarad ugu ahaa xukuumaddiisa.
Labadan nin oo kasoo jeeda gobolka Gedo waxaa lagu kala magacaabaa Col. Cabbaas Ibraahim Gurey iyo Cabdulaahi Cismaan (Cabdullaahi Yare).
Col. Cabbaas waxaa loo magacaabay taliyaha guutada ciidamada amniga Jubaland ee gobolka Gedo halka Cabdullaahi Yarena loo magacaabay ku-xigeenkiisa.
Magacaabista labadan sarkaal ayaa kusoo aadeysa xilli muddo todobaad ka yari ka harsan tahay waqtiga ay dhacayso doorashada madaxweynaha Jubaland.
GAROWE ONLINE
