Boliiska Soomaaliya oo gacanta ku soo dhigay nin dilay 8-jir oo adeer u ahaa
-
GAROWE ONLINE XAFIISKA MUQDISHO
- Posted On 22-01-2024, 09:53AM
Muqdisho, Soomaaliya - Ciidanka Boliiska Soomaaliya ayaa gacanta ku soo dhigay eedeysane loo hasysto dilka wiil 8-jir ah oo uu adeer u ahaa, ka dib howlgal ay ka sameeyeen degmada Xamarjabab ee gobolka Banaadir.
Qoraal ka soo baxay Boliiska Soomaaliya ayaa lagu yiri, “Ciidanka Booliiska Saldhiga degmada Xamar-Jajab ayaa qabtay nin gowracay wiil uu adeer u ahaa, falkaan ayaa dhacay Abaaro 5:40pm waxa uuna ka dhacay isla Degmada Xamar-jajab”
Eedeysanaha falka lagu tuhmay ayaa hadda ku jira gacanta Ciidanka Booliiska, waxaana socda baaritaan ku saabsan dhacdada, iyadoo la horgeyn doona Maxkamadda awooda u leh.
Dhacdadan ugub-ka ah ayaa maalmahan si weyn looga hadal haayay degmada Xamarjajab ee magaalada Muqdisho, taasoo argagax ku beertay qoysas badan oo degmadaasi ku dhaqan.
GAROWE ONLINE
