Booliiska Soomaaliya oo muddo todobaad ah u qabtay dad degan dhul ay dowladdu leedahay

Afhayeenka Ciidanka Booliska Sadiiq Doodishe ayaa ka codsaday dadkaas in ay guuraan.

Muqdisho, Soomaaliya - Booliska Soomaaliya ayaa siiyay bulshada degan dhul ay dowladdu leedahay oo ku yaal gobolka Banaadir gaar ahaan ka soo horjeeda daarta Say-Biyaano ilaa maalinta Arbacada si ay u baneeyaan dhulkaas.

Afhayeenka Ciidanka Booliska Sadiiq Doodishe oo la hadlay warbaahinta ayaa yiri, “Taliska Booliska iyo dadka deegaanka ayaa ku heshiiyay in la siiyo muddo laba isbuuc ah oo ku ekeyd maalintii shaqaadadu ay dhacaysay, dadka guryaha degan ee ku haray waxaa la gaarsiiyey in taliska ciidanka Booliska uu siiyey laba isbuuc oo kale.”

Afhayeenka ayaa intaas ku daray: “Isbuuc wuu dhammaaday waxaa soo haray hal isbuuc oo ku ek maalinta Arbacada ee soo socota.”

Afhayeenka ayaa ka codsaday dadka wali ku sugan dhulka Dab-damiska iyo Hoggaanka Dhismaha Boliska in ay ugu guuraan muddadii loo cayimaday in ay ku guuraan.

GAROWE ONLINE