Burcad-badeedka Soomaalida oo qabsadey labo markab
-
- Posted On 27-03-2015, 10:34AM
March 27, 2015 (GO)- Burcadbadeedka Soomaalida ayaa xeebaha deegaanka Ceel-Huur ee gobolka Mudug ka qabsadey labo markab oo dalka Iran laga leeyahay.
Hay'adda Qaramada Midoobey u qaabilsan la-dagaalanka dembiyada culus iyo daroogada ayaa shaacisey in labada markab si sharci darro ah uga kalluumeysanayeen xeebaha Soomaaliya.
Shaqaale tiradoodu gaareyso 48 ayaa saaran maraakiibtan, waana markii ugu horreysey ee markab lagu qabsado xeebaha Soomaaliya laga soo bilaabo sanadkii 2012.
Doono iyo maraakiib badankooda laga leeyahay dalka Iran iyo Yemen ayaa si sharci darro ah uga kalluumeysta xeebaha Soomaaliya.
Weerarrada burcadbadeedka Soomaalida ayaa labadii sano ee u dambeeyey si weyn aad hoos ugu dhacay.
GAROWE ONLINE
