Ciidamada DF oo qabtey labo sarkaal oo Al-shabab ka tirsan

Image

March 26, 2015 (GO)- Dowladda Federaalka Soomaaliya ayaa shaacisey inay gacanta ku dhigtey labo sarkaal oo ka tirsanaa Al-shabaab.

Af-hayeenka xukuumadda Soomaaliya Ridwaan Xaaji Cabdiweli ayaa sheegay in labada nin Al-shabaab u qaabilsanaayeen hawlgallada dilka iyo qaraxyada ee ka dhaca gobollada Shabeellada Hoose iyo Banaadir.

Labada nin waxaa lagu kala magacaabaa Gallad Cabdi Warame  oo ka hawlgelayay gobolka Shabeellada Hoose iyo Ibraahim Cabdullaahi Maxamed Af-weyne oo isna ka hawlgelayey gobolka Banaadir.

"ragga nocan oo kale ah in lasoo qabto waa guul weyn waxayna  muujinaysaa in waaxyaha amniga ee dowladdu shaqadii loogu tagala galay gudanayaan" ayuu yiri.

Dhanka kale, Ridwaan Xaaji Cabdiweli wuxuu ka hadlay ka bixitaanka ciidamada AMISOM ee qaybo ka mid ah gobolka Shabeellada Hoose isagoo sheegay in qorshahaasi ahaa mid Dowladda Federaalka iyo taliska AMISOM isla ogyihiin.

Qabashada saraakiishan ka tirsan Al-shabaab ayaa kusoo aadeysa labo todobaad kadib markii duqeyn diyaaradaha bilaa duuliyaha ah ee Maraykanku fuliyeen lagu diley sarkaal lagu magacaabi jirey Axmed Garaar, kaasoo ka tirsanaa garabka amniga iyo sirdoonka Al-shabaab (Amniyaadka) una qaabilsanaa qorsheynta weerarrada ka dhacaya meelaha Soomaaliya ka baxsan.

GAROWE ONLINE

Related Articles

Trump: Maraykanku Wuxuu Joojinayaa Duqeymaha Xuutiyiinta Kadib Markii Heshiis La Gaaray

Ciidamada Israel ayaa Talaadadii weerar cirka ah ka fuliyay garoonka diyaaradaha caalamiga…

  • Soomaliya

    06-05-2025

  • 04:56PM

Shir Ka Furmay Muqdisho Iyadoo aanay Ka Qaybgelin Puntland iyo Jubbaland

Shirkan waxaa diiradda lagu saarayaa arrimo muhiim ah sida amniga qaranka, horumarka dhaqaale, iyo dagaalka ka dhanka ah kooxda Al-Shabaab

  • Soomaliya

    06-05-2025

  • 02:36PM