Wasiirka gashaandhiga Somalia oo tababar u xirey ciidamo
-
- Posted On 31-08-2015, 12:43PM
31 Augusto, 2015(GO)-Waxaa maanta magalada muqdisho tababar loogu soo xirey ciidamo ka tirsan kuwa Soomaaliya oo muddo dhawr bilood ah ku jirey xerada Jazeera.
Ciidankan ayaa isagu jira Boolis iyo Saraakiil cusub oo kamid noqonaya kuwa dalka Somalia, waxaana munaasabadda xiritaanka tababarka ka qayb galay , wasiirka Gaashaandhigga Somalia Gen. Cabdiqaadir Sheekh Cali Diini, Taliyaha ciidamadda xoogga dalka S/G Daahir Aaden Cilmi, Saraakiil ka socotay Midowga Yurub iyo AMISOM oo tababarka gacan ka gaysanayay.
Wasiirka Gaashaandhigga Somalia ayaa la hadlay ciidanka tababarka dhamaystay, waxa uuna kula dar-daarmay in ay la yimaadaan karti iyo hufnaan, maadama ay yihiin sida uu sheegay kuwa soo celin kara sumcadda Somalia.
Ugu dambeyn qaar ka mid ah ciidamada tababarka dhamaystay ayaa goobta loogu xiray darajooyin, waxaana sida la sheegay ay ka mid noqonayaan saraakisha ciidamada Somalia.
Tababrkaan loo fidiyo ciidamadaan loogu yeero Somalia ayaa inta badan waxaa ka maqan dhamaan maamulada ka tirsan dowlada Federaalka kuwasoo ciidamadooda aysan ka helin wax tageero ah beehsa caalamka.
GAROWEONLINE.
