Dilkii ganacsade Quurow oo dad badan loo soo qabtey
-
- Posted On 18-02-2015, 11:40AM
February 18, 2015 (GO)- Ugu yaraan konton qof ayaa loo soo qobtey dilka Xaaji Cumar Maxamed Nuur (Quurow) oo shalay lagu diley degmada Beledweyn ee xarunta gobolka Hiiraan.
Badi dadka la xirxirey oo dhallinyaro u badan waxaa laga qabtey xaafadda Hawlwadaag.
Duqa degmada Beledweyn Maxamed Cismaan oo warbaahinta la hadlay ayaa sheegay in dadka la qabqabtey baaritaan baaritaan lagu wado wixii dembi lagu waayana dib xoriyadooda loogu soo celin doono.
Xaaji Cumar Maxamed Nuur (Quurow) ayaa kamid ahaa ganacsatada sida weyn looga tixgeliyo Beledweyn, wuxuu sidoo kale kamid ahaa waxgaradka gobolka ee nabadda iyo xasiloonida aadka uga shaqeeya.
GAROWE ONLINE
