DF oo markii ugu horreysey adeegsaneysa diyaaradaha Drones-ka
-
- Posted On 07-03-2015, 10:03AM
March 7, 2015 (GO)- Dowladda Federaalka ayaa markii ugu horreysey adeegsan doonta diyaaradaha aan duuliyaha lahayn si ay ula dagaalanto ururka Al-shabaab.
Wakaaladda wararka shiinaha ee Xinhua oo soo xiganeysa af-hayeenka Wasaaradda Amniga Dowladda Federaalka Maxamed Yuusuf ayaa warkan baahisey.
" wadamada aan saaxiibka nahay ayaa nagu caawinaya diyaaradaha bilaa duuliyaha ah si aan ugu adeegsano burburinta kooxda Al-shabaab" Af-hayeenka ayaa sidaas yiri isagoo xusay in wada shaqeyn fiicani ka dhexeyso ciidamada Dowladda Federaalka iyo kuwa ka socda Midowga Afrika ee AMISOM.
Maraykanka ayaa duqeymo badan oo diyaaradaha bilaa duuliyaha ah oo adeegsadey wuxuu ku diley saraakiil badan oo hoggaanka Al-shabaab ka tirsanaa, waxaana kamid ah hoggaamiyihii hore ee Axmed Cabdi Godane oo September 2014 lagu diley duqeyn ka dhacay duleedka Baraawe.
Xigasho: Xinhua
GAROWE ONLINE
