Duqii Afgooye oo qarax ku geeriyoodey

Image

January 19, 2015 (GO)- Duqii degmada Afgooye Cali Cadow Jamiil ayaa ku geeriyoodey qarax ka dhacay deegaanka Xaawo Cabdi oo ku yaalla  inta u dhexeysa Muqdisho iyo Afgooye.

Qaraxa oo sida lagu soo waramayo ka dhashay miino kuwa dhulka lagu aaso ah waxaa lala eegtay gaari noociisu ahaa Toyota Noah oo Cali Jamiil iyo ilaaladiisu saarnaayeen.

Weerarka oo mas'uuliyadiisa kooxda al-Shabaab sheegatay waxaa sidoo kale ku geeriyoodey labo qof oo kala ahaa wadihii gaariga iyo askari.

Mas'uulkan oo si weyn looga yaqaaney guud ahaan gobolka Shabeelada Hoose dhowaan ayaa loo soo magacaabay duqa Afgooye.

Qaraxa lagu diley duqii Afgooye ayaa kusoo aadaya maalin kadib markii degmada Dharkeynley ee magaalada Muqdisho miino kula qaraxday labo nin oo sida la sheegay sitey walxaha qarxa weerarna qorsheynayey.

GAROWE ONLINE

Related Articles

Xasan Sheekh oo Hambalyo U Diray Madaxda Cusub ee Maamulka Loo Dhaawaaqay Laascaanood

Ugu dambeyn, Madaxweynaha ayaa ugu baaqay shacabka iyo hoggaanka cusub ee Laascaanood inay xoojiyaan midnimada iyo wadajirka.

  • Soomaliya

    30-08-2025

  • 02:10PM

Maraykanka oo Sheegay In Uusan Wadahadallo Kula Jirin Somaliland Si Loo Aqoonsado

Madaxweyne Trump ayaa dhawaan mar kale muujiyay xiisaha uu u qabo arrimaha amniga ee Soomaaliya.

  • Soomaliya

    28-08-2025

  • 05:02PM