Golaha wasiirada ee maamulka Koonfur Galbeed oo kulmey
-
- Posted On 05-03-2015, 09:31PM
BAYDHABO, March 6,2015 (GO)- Waxaa kulan isugu yimi golaha wasiirada ee maamulka Koonfur galbeed Somalia kaasoo uu shir gudominayay Madaxwayne Shariif Xasan Shiikh Aadan .
Kulanka ay yeesheen golaha wasiirada waxaa loo hadlay sidii ay u dar dar galin lahaayeen shaqada loo igmaday amaanka sedexda gobol ee uu ka kooban yahay maamulkaasi iyo sidii Al-Shabaab looga saari lahaa deegaanada ay kaga sugan yihiin goboladaas.
Wasiirka Warfaafinta iyo Wacyi galinta ee maamulka Koonfur galbeed Somalia Xasan Cabdi Maxamed oo la hadlayay Radio Garowe ayaa waxaa uu sheegay in xooga lagu saaray sedexda qodob isagoo tilmamay in ay sidoo kale uu jiro in shirka looga hadlay xeer ay kuwada shaqayn doonaan golaha wasiirada ee maamulka Koonfur galbeed .
Xasan Cabdi ayaa xusay in dhawaan la soo dhisi doono golaha Baarlamaanka ee maamulkaas.
Madaxwaynaha Maamulka Koonfur galbeed Somalia Shariif Xasan Shiikh Aadan aya March 2,2015 soo dhamaystiray golihiisa wasiirada isagoona soo magacaabay wasiir ku xigeenada.
GAROWEONLINE
