Guddiga doorashadda baarlamaanka HirShabelle oo la magacaabay

JOWHAR, Baydhabo - Xildhibaanada baarlamaanka labaad ee HirShabelle oo Sabtida maanta ah lagu dhaariyey xaruntooda magaaladda Jowhar ayaa Maxamuud Siyaad Barqadle u xushay afhayeen ku meelgaar ah.

Mudanahaan oo la tilmaamay in uu yahay xubinta ugu da'da weyn waxaa uu xilka sii hayn doonaa inta laga dooranayo guddoonka rasmiga ah.

Dhanka kale, sii-haayaa gudoomiyaha Golaha oo qoraalkii ugu horeeyay soo saarey ayaa wuxuu magacaabay Guddiga Doorashada Golaha Wakiiiladda.

Xildhibaanada cusub oo cod u qaadey magacaabida guddiga ayaa cod aqlabiyad leh ku ansixiyey xubnahaan ay tiradoodu gaareyso sagaal.

Guddiga ayaa lagu waddaa in ay muddeeyaan doorashooyinka guddoonka iyo madaxweynaha oo si weyn isha ugu hayaan daneeyeyaasha.

Villa Soomaaliya ayaa quudareyneysa in ay saameyn ku yeelato doorashadda ayna soo xulato mas'uuliyiinta u adeegaya danaheeda gaarka ah.

Sharci-dejiyeyaasha cusub oo hanaanka ay kusoo baxeen dood xoogan ay ka taagan tahay ayaa isugu jira xubno sirdoon, shaqaale dowladeed iyo wariyeyaal caan ka ahaa warbaahinta magaala madaxda dalka Muqdisho.

Magacyadda xubnaha guddiga doorashada

GAROWE ONLINE