Hay’adda Duulista Rayidka oo xaqiijisay badqabka hawada Soomaaliya

Hay’adda Duulista Rayidka ayaa qoraal kooban ku beenisay sheegashada Somaliland

Muqdisho, Soomaaliya - Hay’adda Duulista Rayidka Soomaaliyeed (SCAA) ayaa qoraal kooban ku beenisay sheegashada Somaliland ee ku aadan in hay’adda ay ku sigtay inay sababto isku dhaca laba diyaaradood oo ay leeyihiin Ethiopian Airlines iyo Qatar Airways.

Qoraalka ayaa lagu yiri: “Waxay dhammaan shacabka Soomaaliyeed iyo shirkadaha duulimaadka ee isticmaala hawada Soomaaliya u caddeynaysaa inay si buuxda gacanta ugu hayso badqabka duulimaadyada isticmaala hawada Soomaaliya.”

َWaxaa intaasi lagu daray in aanay jirin amni xumo iyo “halis badqab” oo ka jira hawada Soomaaliya.

Diyaarad ay leedahay Qatar Airways oo ka timi Dooxa kuna socatay Uganda ayaa la sheegay in si khaldan ay u siiyeen xarunta hagidda diyaaradaha ee Muqdisho inay gaarto level-ka 40,000 feet.

Sida laga soo xigtay Hay'adda Duulista Somaliland diyaarada waxay isku beegnaayeen oo iska hor imanayeen diyaarad ay leedahay shirkada Ethiopian Airlines taas oo ka timid Addis Ababa kuna socotay Dubai.

GAROWE ONLINE