Hay’adda Hormuud Salaam Foundation oo gargaar gaarsiisay Barakacayaal
-
Garowe Online Garowe Online
- Posted On 20-07-2020, 07:00AM
10 kun oo qoysas danyar ah ayaa ka faa’ideystay deeq hay’adda Hormuud Salaam Foundation ay gaarsiisay barakacayaal ku kunool degmada Kaxda ee gobolka Banaadir
Qoysaskan ayaa waxaa saameyn ku yeeshay roobab maalmihii lasoo dhaafay ka da’ayay magaalada Muqdisho ee Caasimada dalka Soomaaliya.
Hay’adda Hormuud Salaam Foundation oo ka duulaysa baahida dadka barakacayaasha ah, ayaa gaarsiisay deeqdan qoysaska danta yar, iyadoo deeqdan ay kusoo aaday xili dadkaasi ay baahi weyn u qabeen.
Gudoomiye ku xigeenka Hay’adda Hormuud Salaam Foundation Cabdiraxmaan Ibraahim Cilmi ayaa sheegay in deeqdan ay qeyb ka tahay howlaha u gurmashada dadka tabaalaysan oo ay wado Hormuud Salaam Foundation.
Dakii ka faa’ideystay deeqdan ayaa ka mahadceliyay gargaarka ay soo gaarsiisay hay’adda Hormuud Salaam Foundation. Goobta deeqda lagu qeybinayay ayaa dadkii kahadlay waxaa kamid ahayd Nuuro Cali Yare Maxamed.
Sidoo kale, dadka ka faa’ideestay gargaarkan ayaa waxaa kamid ahaa Qaxooti Yemen u dhashay, oo ku nool Kaamamka barakacayaasha Degmada Kaxda.
Hay’adda Hormuud Salaam Foundation ayaa ah hay’ad u taagan u gargaarirda dadka danta yar ee ku tabaalaysan guud ahaan gobolada dalka Soomaaliya.
