Howlgal walxaha qarxa lagu qabtay oo ka dhacay Muqdisho

MUQDISHO, Soomaaliya - Ciidamada dowladda Federaalka Soomaaliya ayaa waxay xalay fuliyeen howlgal gaar ah oo ka dhacay xaafado ku yaalla waqooyiga magaalada Muqdisho.

Saraakiisha amniga dowladda ayaa sheegay in howlgalka uu ka dhacay degmada Kaaraan waxaana lagu soo qabtay tiro dhalinyaro ah oo looga shakiyay inay kamid yihiin Al Shabaab iyo waxyaabaha qarxa.

Dadka deegaanka ayaa sheegay in howlgalka uu billowday xalay fiidkii, iyadoo si gaar ah loo bartilmaameedsaday dhowr guri oo loo soo farmuuqay ciidamada oo lagu diyaarinayay falal ka dhan ah amniga.

Hay'adaha amaanka wali ma aysan shaacin tirada dadka ay soo qabteen iyo nooca waxyaabaha qarxa ee lagu soo qabtay howlgalka, balse waxay tilmaameen in eedaysaniyaasha ay ku hayaan baaritaan.

Ciidamada xasililinta ayaa si joogta ah howlgallo xilliga habeenkii ah uga fuliya magaalada, taasoo hoos u dhigtay dilalkii badnaa iyoo weeraradii kale ee Kooxda Al Shabaab ka fulin jireen Caasimadda dalka.

GAROWE ONLINE