Imaaraadka iyo IGAD oo kawada hadlay Xaaladda Soomaaliya
-
Wariyaha Muqdisho GAROWE ONLINE
- Posted On 05-11-2017, 10:38AM
MUQDISHO, Soomaaliya - Dowladda Imaaraadka Carabta iyo Urur goboleedka IGAD ayaa kawada hadlay Xaaladda dalka Soomaaliya iyo sidii looga caawin lahaa soo celinta Nabadda iyo Xasiloonidiisa.
Mohammed Ahmed Al Othman, Safiirka Imaaraadka u fadhiya Soomaaliya ayaa kulan gaar ah kula qaatey xarunta Safaaradda Imaaraadka Muqdisho Wakiilka IGAD ee Soomaaliya Maxamed Cali Guyo.
Labada Diblomaasi ayaa ila meel dhigay in IGAD iyo Imaaraadka taageero midaysan oo dhanka amniga iyo xasiloonida siiyaan dowladda Federaalka Soomaaliya oo dagaal kula jirta Xoogaga Al Shabaab.
Guyo ayaa bogaadiyay doorka dowladda Imaaraadka ee dalka Soomaaliya, gaar ahaan dhinacyada Nabada, Xasiloonida, dib u heshiisiinta dhinacyada Siyaasadda iyo mashaariicda horumarineed ee kawado dalka.
Mohammed Ahmed Al Othman, ayaa dhankiisa uga mahad-celiyay Wakiilka IGAD wadashaqeyntiisa iyo kaalinta ay ka qaadanayaan dib usoo celinta Soomaaliya oo mudo ku dhaw 30 sano ay xasilooni darro ka jirto.
GAROWE ONLINE
