Jawaari oo 30 cisho u qabtay soo gudbinta sharciga axsaabta dalka [Dhagayso]
-
- Posted On 17-09-2015, 03:51PM
17 September, 2015(GO)-Gudoomiyaha Barlamanka Somalia Maxamed Sheekh Cusmaan Jawaari ayaa sheegay inay dowladda Federaalka Somalia la daahday soo gudbinta sharciga axsaabta siyaasadda Somalia.
Jawaari ayaa tilmaamay in xukumadda Somalia sharcigan loo gudbiyay muddo haatan laga joog labo bilood, ka dib wadatashi ay ka yeesheen Barlamanka Somalia.
Xukumadda Somalia ayaa lagu amray inay sharcigan wadatashi kala yeelato bulshada qaybaheeda kala duwan, isla-markaana ku soo gudbiyaan muddo dhan Soddon cisho, maadaama uu ka soo idlaaday dhanka Barlamanka.
Arrintan ayaa imaanaysa xilli la hakiyay kulamadii Barlamanka Somalia, maaadama la sheegay in ka badan 40 mudane inay aadeen gudasha Xajka.
GAROWEONLINE
