Jubaland: dad loo soo qab-qabtey dilka taliyihii suuliga lagu qarxiyey
-
- Posted On 27-06-2015, 09:13AM
June 27, 2015 (GO)- Ugu yaraan toban qof oo dumar ku jiraan ayaa loo xirxiray dilka taliyihii guutada koowaad ciidamada Jubaland ee aagga Buulo-guduud, Mursal Geedi, oo shalay qarax lagu diley.
Qaraxa oo loo adeegsaday miino nooca meesha fog laga hago ah, waxaa lagu qariyey suuli, wuxuuna dhacay waxyar kadib markii Taliyihe Geedi suuliga galay.
Dadka lasoo qabqabtey oo xilligan su'aalo la weydiinayo waxaa lagu tuhmayaa inay fududeeyeen waxna ka ogaayeen qaabkii bamka lagu geliyey suuliga.
Gelinkii dambe ee shalay ayaa sarkaalkaas lagu aasay isla deegaanka Buulo-guduud, waxaana mas'uuliyadda dilka sheegtay Ururka Al-shabaab.
GAROWE ONLINE
