Khasaare ka dhashay dagaal ka dhacay Gedo [Dhageyso]
-
- Posted On 26-08-2015, 04:59PM
26 August, 2015 (GO)- Afhayeenka maamulka Jubbaland ee gobolka Gedo Nuur Sayax Xareed oo u waramayay Radio Garowe ayaa ka hadlay dagaal dhexmaray Al-shabaab iyo Ciidamada huwanta ah ee ku sugan gobolkaasi.
Nuur Sayax ayaa sheegey inay ka dileen Al-shabaab 21 ruux halka ay gacanta ku hayaan 3 Sarkaal oo ka tirsanaa ururkaasi iyo gaari ay u saarnayd saanad Milatari.
Dhankooda waxa uu sheegey inay ka dhinteen Shan askari oo uu ku jiro Taliyihii saldhiga Dooloow iyo gudoomiye ku xigeenkii Balad-xaawo,halka dhaawacoodu gaarayo 7 qof.
Dagaalkan ayaa ka dhacay Tuulo Barwaaqo oo 18km u jirta degmada Garbahaarey ee gobolka Gedo.
Xaalada deegaanadaasi ayaa lagu soo waramayaa inay haatan dagantahay, waxaana dhaawacyada dowladda loo qaadey degmada Garbahaarey.
GAROWEONLINE
