Khasaaro ka dhashay hoobiyaal lagu tuuray nawaaxiga garoonka Aadan Cadde
-
- Posted On 08-10-2016, 08:09PM
MUQDISHU, Somalia- Tiro Hoobiyaal ah ayaa Caawa fiidkii ku soo dhacay Agagaarka Garoonka Diyaaradaha ee Muqdishu, waxaana jira Khasaaro ka dhashay madaafiicdaasi.
Illaa 7 Hoobiye ayaa ku dhacay Guro Shacab ay deganyihiin oo ku yaalla Xaafadda Buulo Xuubey ee degmada Wadajir, gobolka Banaadir.
Goobjooge ayaa GO u xaqiijiyay in ku dhawaad 10 qof, oo Caruur ku jiraan ay ku dhaawacmeen Madaafiicdan lagu garaacay Xaafada Buulo Xuubey, oo kaabiga ku haysa Garoonka diyaaradaha Muqdishu.
Illaa hadda ma jirto cid og halka laga soo tuuray Hoobiyaasha, mana jirto koox sheegtay ma'uuliyadda weerarka, balse waxaa xusid mudan in dhowr jeer hoobiyaal lagu weeraray Magaalada Muqdishu.
Ciidamada dowladda Soomaaliye ayaa gaaray Goobta madaafiicdu ku dhaceen, iyagoo sameeyeey baaritaan xoog leh, inkastoo aan cidda ay gacanta kusoo dhigeen.
Weeraradan ayaa xooggaystay xilli la filayo doorashada ugu dambaysa ee madaxweynaha iyo Barlamanka inay ka dhacaan magaalada Muqdishu Caasumadda Somalia, waxaana arrintaasi walaac xooggan dhawaan ka muujiyay qaar kamid ah murashaxiinta u tartamaya madaxweynaha Somalia, xilli ay la kulmee Wakiilka Gaarka ah ee Qaramada Midoobay u qaabilsan dalka Somalia.
GAROWEONLINE
