Somaliland: Khilaafka xisbiga Kulmiye oo sii balaaranaya
-
- Posted On 08-11-2015, 10:24AM
08 November, 2015(GO)-Saddex murashax ee jagada madaxweynaha ugu tartamayay xisbiga talada haya ee Kulmiye ee Somaliland ayaa maanta ku dhawaaqay in ay qaadacayaan shirka golaha dhexe ee xisbiga kulmiye ee Talaadada ka furmaya Hargeysa.
Shirkaas oo lagu wado in uu xisbiga Kulmiye ku dooran doono musharaxa rasmi ah ee xisbiga ugu tartamaya doorashada madaxtinimada.
Maxamed Biixi Yoonis , Cabdilcasiis Maxamed samaale iyo Axmed Cabdi Kijaandhe ayaa shir jaraa'id oo ay wada jir u qabteen waxay ku sheegeen in shirka kulmiye u afduubanyahay murashax kali ah oo aan tartan xalaal ahi ka dhex jirin shirka xisbiga la qabanayo ee talaadada.
Madaxweyne Axmed Mohamed Maxamud Silaano ayaa hore u magacaabay gudi dhexdhexaad ah oo baara muran la xiriira liiska xubnaha golaha dhexe oo ah kan dooranaya musharaxa xibiga ee rasmiga.
Gudigaa ayaa shalay waxay soo saareen in aysan wax khalad ah ku arag liiska xubnaha golaha dhexe ee xisbiga Kulmiye
Xigasho: BBC
