Maamulka Jubbaland oo toogtay ciidamo dil gaystay
-
- Posted On 18-09-2015, 01:39PM
18 September, 2015(GO)-Maamulka Jubbaland ayaa dil toogasho ah ku fuliyay 7 ka tirsan ciidamada maamulkaasi ka dib markii lagu helay inay gaysteen dilka labo qof oo shacab ah.
Maxkamadda ciidamada maamulka Jubbaland ayaa la horkeenay 10 ka mid ah ciidamada maamulkaasi, waxaana lagu riday xukunno kala duwan.
Gudoomiye ku xigeenka Maxkamadda ciidamada Jubbaland Bashiir Maxamuud Xareed (Qamdariiran) oo warbaahinta u akhriyay go'aamada, ayaa sheegay in ciidamada la soo eedeeyay 7 ka mid ah lagu xukumay til doogasho ah, halka saddexda kale lagu xukumay 3 sano oo xabsi ah.
Ciidamada maanta la xukumay ayaa ayaa shalay dil u gaystay 2 qof oo shacaba ah kuwaasi lagu dilay magalada Kismayo.
GAROWEONLINE
