Madaxweynaha Somalia oo hambalyo u direy Madaxweynaha Nigeria
-
- Posted On 01-04-2015, 12:54PM
April 1, 2015 (GO)- Madaxweynaha Dowladda Federaalka Soomaaliya ayaa dhambaal hambalyo ah u direy madaxweynaha la doortey ee dalka Nigeria Muhammadu Buhari.
War-saxaafadeed kasoo baxay xafiiska Madaxweyne Xasan Sheekh Maxamuud ayaa lagu sheegay in Madaxweynuhu khadka telefoonka kula hadley dhiggiisa Nigeria una hambalyeeyey.
Madax badan oo caalamka ah ayaa hambalyo u direy madaxweynaha cusub ee dalka Nigeria.
Doorashadii saddex maalmood kahor dhacday ayaa ahayd tii lixaad ee si dumuqraadi ah ku dhacda laga soo bilaaabo sanadkii 1999, markaasoo hoggaanka dalka dowlad rayid ahi la wareegtey.
Waa markii ugu horreysey muddo shan iyo toban sano ka badan ee mucaaradka Nigeria talada dalkaas la wareegaan.
GAROWE ONLINE
