Madaxweyne Farmaajo oo u ambabaxay dalka Kenya
-
Wariyaha Muqdisho GAROWE ONLINE
- Posted On 27-11-2017, 01:49PM
MUQDISHO, Soomaaliya - Madaxweynaha dowladda Federaalka Soomaaliya Maxamed Cabdullahi Farmaajo iyo wafdi uu hogaaminayo ayaa u ambabaxay saaka magaalada Nairobi ee dalka Kenya.
Madaxweyne Farmaajo oo ay wehliyaan mas'uuliyiin ka kala tirsan labada golle ee dowladda, ayaa ka qeybgalaya Caleema-saarka Madaxweynaha Kenya Uhuru Kenyatta oo ka dhacaysa Berri magaalada Nairobi.
Uhuru Kenyatta ayaa ku guuleystay doorashadii ku celis ahayd ee 26-kii bishii lasoo dhaafay ka dhacday wadanka Kenya, taasi oo natiijadeeda ay aqbashay Todobaadkii tagey Maxkamdda sare ee dalkaasi.
Wararka ayaa sheegaya in Madaxweyne Farmaajo caleema-saarka Uhuru kadib uu usii gudbi doono magaalada Abidjan ee xarunta dalka Ivory Coast, kaasi oo ka furmaya shir socon doono 28 ilaa 29-ka bishan November, 2017.
Shirka Abidjan ahaa ah mid ay ku kulmayaan hogaamiyaasha Africa iyo Midowga Yurub, kaasi oo looga hadli doono arrimaha tahriibka, dhaqaalaha, Siyaasadda iyo sabool-tinimada ka jirta qaaradda.
GAROWE ONLINE
