Farole oo la kulmay wasiirkii hore adeegga bulshada Somalia
-
- Posted On 02-12-2015, 08:56PM
02 December, 2015(GO)-Madaxweynihii hore Puntland Cabdiraxmaan Farole ayaa hoygiisa magalada Garowe kula kulmay wasiirkii hore Adeegga Bulshada dowladda Somalia Maryam Qaasim oo Caasumadda Puntland u timi ka qayb galka kulan ku saabsan hooyada iyo dhallaanka loona yaqaano CARMA.
Farole, ayaa wasiirkii hore ku ammaanay kaalinta ka gaystay barnaamijyo badan oo lagu hormarinayay waxbarashada dhallaanka iyo adeegyo kale oo loo fuliyay bulshada Somaliyeed isagoo ku sifeeyay muwaadinad dalkeeda u shaqaysay.
Wuxuu ugu hambalyeeyay shaqada hadda hayso oo ah safiirka CARMA, wuxuuna sheegay inay tahay xubin aan laga maarmin khaas ahaa haweenka.
Maryam Qaasim ayaa dhankeeda ka mahad celisay soo dhaweynta uu u sameeyay Madaxweyne Farole, waxayna sheegtay inay u timi sannad guuradii ka soo wareegtay markii la sameeyay barnaamijka loogu magac daray dhimista dhimashada hooyada iyo dhallaanka.
HALKAN KA DAAWO MUUQAALKA KULANKAASI KA SAMEEYAY SOMALICHANNEL
GAROWEONLINE
