Madaxweyne Xasan Sheekh oo Muqdisho dib ugu soo laabtey
-
- Posted On 17-02-2015, 10:23AM
February 17, 2015 (GO)- Madaxweynaha Dowlada Federaalka Xasan Sheekh Maxamuud oo todobaadkii hore safar caafimaad ugu baxay dalka Germany ayaa maanta dib magaalada Muqdisho ugu soo laabtey.
Mas'uuliyiin uu kamid ahaa gudoomiyaha barlamanka ayaa wafdiga Madaxweynaha kusoo dhoweeyey garoonka diyaaradaha.
Madaxweynuhu wax war ah warbaahinta garoonka dhexdiisa kuma siin, haseyeeshe waxaa la filayaa in saacadaha soo socda uu shir-jaraa'id ku qabto madaxtooyada.
Safarka caafimaad ee Madaxweyne Xasan Sheekh ku tegey dalka Germany ayaa ahaa kii labaad ee noociisa ah ee dalka dibadiisa uu ku tago laga soo bilaabo markii uu xilka qabtey.
GAROWE ONLINE
