Mareykanka oo cambaareeyay weerarka ay "AS" ku qaadeen xerada Gen. Gordan

Mareykanka ayaa tacsi u diray ehelada saraakiisha Imaaraatka Carabta ee ku dhintay weerarka.

Muqdisho, Soomaaliya - Safaaradda Mareykanka ayaa َqoraal oo ay soo saartay kaga hadashay falkii argagixiso ee ka dhacay xerada Gen. Goordon ee magaalada Muqdisho.

Mareykanka ayaa tacsi u diray ehelada dadkii ku dhintay weerarka lagu bartilmaameedsaday saraakiisha Imaaraatka Carabta.

Qoraalka Safaaradda ayaa lagu yiri: “َWaxaan tacsi tiiraanyo leh u diraynaa eheladii ay ka geeriyoodeen dadkii ku naf waayay weerarkii foosha xumaa ee argagixisanimo ee shalay lala beegsaday tababarayaasha ciidamada Imaaraatka Carabta iyo askarta Soomaaliyeed ee sida geesinimada leh uga shaqeeya horumarinta xasiloonida dalka.”

Warsaxaafadeedka ka soo baxay Mareykanka ayaa lagu sii sheegay<span;>, “Waxaan si adag u cambaareyneynaa weerarkan fulaynimada ah, waxaanan ku adkeysaneynaa in aan taageerno dadaallada Soomaaliyeed ee lagu dhisayo nabadda.”

Shalay ayay ahayd markii askari ka tirsan Ciidanka Xoogga Dalka, uu weerar ka fuliyay Xerada General Gordon ee Magaalada Muqdisho, waxaana lala beegsaday weerar-kaas Saraakiisha Imaaraadka.

GAROWE ONLINE