Mareykanka oo markab dagaal u diray biyaha Soomaaliya

WASHINTON, US – Dowladda Mareykanka ayaa markab dagaal oo weyn waxay u soo dirtay biyaha Soomaaliya, sidda ay ku warameyso warbaahinta maxaliga ah ee ka howlgasha waddankaas.

Sidda ay warbixinadda muujinayaan, markabkan ayaa waxaa loosoo diray in ay uu caawiyo ciidamadda Mareykanka isla markaana qeyb ka noqdo daad-gureynta hantida ay ka baxayaan.

Hantidaas oo aan la fahfaahin waxay ay tahay ayaa lagu wadaa in la daabulo saddexda todobaad ee soo aadan.

Wararka ayaa sheegaya in markabkan lagu magacaabo USS Hershel "Woody" Williams uu si gooni ah ula shaqeyn doono guutadda kamid ah ciidamadda Mareykanka ee Operation OCTAVE QUARTZ.

Talaabadda ay Washington kusoo dirtay markabkan waxay kusoo hagaageysaa xilli lagu waddo in horaanta 2021 ay ciidamadda ka jooga Soomaaliya u wareejiso wadamadda Kenya iyo Jabuuti.

Mareykanka oo sanadihii ugu dambeeyay ka howlgalayey Soomaaliya ayaa door ka qaatay dhismaha ciidamadda Soomaaliya, tababarkooda, qalabeyntooda iyo la dagaalanka Al-Shabaab.

Dowladda Soomaaliya ayaa si cad waxay uga soo horjeestay bixitaanka askarta Mareykanka, iyadda oo tibaaxdey in ay dharbaaxo ku tahay ololaha qaranka kula dagaalamayo kooxaha xagjirka ah.

GAROWE ONLINE