Dabley ergo doorasho ku dishay Muqdisho

MUQDISHO, Soomaaliya - Dabley hubeysan oo loo maleynayo inay katirsan yihiin Al-Shabaab ayaa saakay ku dilay magaaladda Muqdisho mid kamid ah ergadii doorashadda Xildhibaannada Baarlamaanka 10-aad, ee waqtigiisu dhamaadey.

Maclin Cabdi Siyaad Geedo ayaa lagu dilay suuq ku yaalla degmada Deyniile, ee waqooyiga Muqdisho, kadib markii ay weerar gaadmo ah kusoo qaadeen labo dhalinyaro oo bistoolado watay.

Wali ma jirto cid sheegatay mas'uuliyadda dilka oday dhaqameedka, balse wuxuu kusoo beegmayaa xili Al-Shabaab dhawaan uga digtay odayaasha Soomaaliyeed inay ka qeyb-qaataan doorashooyinka soo socda.

Soomaaliya waxaa wali ka jira nidaam doorasho oo qabiil ku dhisan, oo awoodda lagu qeybsado 4.5, iyadoo odayaasha dhaqanka ay budhig u yihiin dhismaha Baarlamaanka, maadaama ay Xildhibaanada doortaan.

GAROWE ONLINE