Mucaaradka iyo xukuumadda Somaliland oo kulmey
-
- Posted On 20-05-2015, 01:57PM
May 20, 2015 (GO)- Wada-hadal ayaa maanta magaalada Hargeysa uga furmey hoggaamiyeyaasha axsaabta mucaaradka ee Wadani iyo Ucid iyo xisbiga talada haya ee Kulmiye.
Kulankan oo looga arrinsanayo khilaafka ka dhashay muddo kororsiga Golaha Guurtidu u sameeyey xukuumadda Madaxweyne Siilaanyo iyo weliba dib u dhaca ku yimid doorashada, wuxuu socon doonaa muddo dhowr maalmood ah.
Maanta waxaa laga doodayey ajandaha shirka, waxaana laysku raacay in laga wada hadlo sidii meel dhexe laysugu imaan lahaa islmarkaana loo gaari lahaa xal deg deg ah. Kulanka ayaa dib u furmi doona maalinta Sabtida ee soo socota.
Axsaabta mucaaradka ayaa kasoo horjeestey muddo kordhin ku siman muddo sanad iyo toban bilood ah oo Golaha Guurtidu u sameeyey Madaxweynaha, Ku-xigeenkiisa iyo Golaha Wakiillda.
GAROWE ONLINE
