Mudane ka tirsan Barlamanka Somalia oo lagu dhaawacay Muqdishu
-
- Posted On 07-11-2015, 08:12AM
07 November, 2015(GO)-Dablay hubaysan oo watay gaariga noociisu yahay Surf ayaa goor dhawayd ku dhaawacday magalada Muqdishu mudane ka tirsan Barlamanka Somalia, waxaana soo gaaray dhaawac halis ah sida uu xaqiijiyay goob jooge ku sugan Xamar.
Xildhibaanka la dhaawacay ayaa lagu magacaabaa Maxamed Axmed Gurxan, waxaana dhaawacani soo gaaray xilli uu ku sugnaa degmada Xamar weyne.
Ragga falkaan gaystay ayaa goobta ka baxsaday, waxaana tagay halka lagu dhaawacay xildhibaan ciidamada nabad sugidda Somalia ee NISA, kuwaasi oo haatan wada baaritaano.
Ilaa hadda ma jirto cid sheegatay weerarka lagu qaaday Xildhibaan Gurxan, waxana dhaawaciisa la geeyay mid ka mid ah Cisbitaalada Muqdishu.
Maaha markii ugu horaysay mudane ka tirsan Barlamanka Somalia lagu dhaawaco ama lagu dilo weerar caynkan oo kale ah, waxaana inta badan sheegta ururka Al-Shabaab.
GAROWEONLINE
