Muqdisho: dab khasaare maaliyadeed geystey oo gubey kaalin shidaal

Image

February 23, 2015 (GO)- Khasaare maaliyadeed oo xooggan ayaa ka dhashay dab maanta ka kacey goob shidaalka lagu iibiyo oo ku taalla isgoyska Black Sea oo ka tirsan degmada Hawl-wadaag ee magaalada Muqdisho.

Dabka oo baabi'iyey shidaal gaaraya ku dhowaad afar kun oo fuusto waxaa sababey shoor ka dhashay matoor dab-dhaliye ah (Generator).

Ciidamada dabdemiska oo kaashanaya boqollaal dadweyne ah ayaa ku guuleystey inay dabkaas xakameeyaan, waxaana dabka si buuxda loo demiyey saddex saac kaddib markii uu bilowday.

Dhanka kale, qaar kamid ha ganacsatada shidaalka ayaa sheegay in goobahooda ganacsiga la boobey muddadii uu dabku socdey.

Ma ahan markii ugu horreysey ee dab ka kaco kaalin shidaal oo ku taalla isgoyska Black Sea ee magaalada Muqdisho.

GAROWE ONLINE

Related Articles

Maraykanka oo Sheegay In Uusan Wadahadallo Kula Jirin Somaliland Si Loo Aqoonsado

Madaxweyne Trump ayaa dhawaan mar kale muujiyay xiisaha uu u qabo arrimaha amniga ee Soomaaliya.

  • Soomaliya

    28-08-2025

  • 05:02PM

Kenya oo Dhex-dhexaadinaysa Xasan Sheekh iyo Axmed Madoobe

Khilaafkan siyaasadeed wuxuu imaanayaa xilli uu muran xooggan ka taagan yahay wax ka beddelka dastuurka.

  • Soomaliya

    28-08-2025

  • 01:02PM