Muqdisho: labo hoteel oo qaraxo lagu weeraray
-
- Posted On 10-07-2015, 04:24PM
July 10, 2015 (GO)- Labo qarax oo waaweyn ayaa goor lala beegsaday labo hoteel oo ku yaalla magaalada Muqdisho.
Gawaari walxaha qarxa laga soo buuxiyey ayaa lagu soo warramayaa in lagu soo weeraray hoteellada Weheliye iyo Siyaad.
Hoteelka Siyaad ayaa wax yar u jira madaxtooyada Villa Somalia halka hoteelka Weheliye uu ku yaallo jidka muhiimka ah ee Maka Al-mukarrama.
Qaraxyada kadib waxaa lagu soo waramayaa in rag hubeysni labada hoteel gudaha u galeen, waxaana weli la maqlayaa rasaas goos goos ah.
Khasaare badan oo dhimasho iyo dhaawac isugu jira ayaa ka dhashay qaraxyada, inkastoo ilaa iyo hadda aan xog dhameystiran laga helin.
Al-shabaab ayaa dhowr mar oo hroe weerartay hoteello magaalada Muqdisho ku yaal, kuwaas oo inta badan ay degaan mas'uuliyiinta dowladda iyo qurbe-joogtu.
Faah faahin dheeri ah dib ayaan idiinka soo gudbin doonnaa...
GAROWE ONLINE
