Muqdishu: Dacwadda muwaadiniin Kenyati ah oo dib loo dhigay
-
- Posted On 04-11-2015, 11:54AM
04 November, 2015(GO)-Maxkamadda gobolka Banaadir ayaa dib u dhigtay dacwadda muwaadiniin Kenyati ah, kuwaasi oo lagu soo eedayay inaysan haysan ruqsadda la siiyo dadka ajnabiga ah ee ka shaqaysta gudaha Somalia.
22 ruux oo ka soo jeeda dalka Kenya ayaa dacwadooda dib loo dhigay ilaa malinta barri taariikhdu ku beegantahay 05 November, waxaana lagu go’aamiyay kulan shalay ka dhacay xarunta maxkamadda.
Goobta waxaa ku sugnaa mas’uuliyiin ka socota laanta socdaalka Somalia, maamulka gobolka Banaadir iyo xubno ka socday safaaradda Kenya ee Muqdishu.
Arrintan ayaa timi xilli dalka Somalia ku suganyihiin ajaanib u kala dhacay wadamada Caalamka kuwaasi oo la shaqeeya hay’ado iyo shirkado ganacsi, waxaana dacwadani imaanaysaa iyadoo Barlamanka Somalia horyaallo sharciga maalgashiga caalamiga ah iyo shaqaalaha jaanibta.
GAROWEONLINE
