Muxuu Xasan Sheekh xilka uga qaadey la-taliyihiisa?

MUQDISHO, Soomaaliya - Madaxweynaha Soomaaliya, Xasan Sheekh Maxamuud, ayaa Axadii xilka ka qaaday la-taliyihiisa arrimaha xiriirka Maamul Goboleedyada, Maxamed Xasan Ibraahim Qoone, sida lagu sheegay wareegto ka soo baxday xafiiska madaxweynaha.

Wareegtada ayaa lagu sheegay in shaqaalaha loo magacaabo xilalka sare ay waajib ku tahay inay ka qeyb qaataan midnimada iyo horumarka qaranka, iyagoo si hufan, daacad ah, iyo masuuliyad leh u gudanaya waajibaadkooda.

Madaxweyne Xasan Sheekh Maxamuud ayaa u mahadceliyay Qoone, isagoo u rajeeyay guul mustaqbalka.

Inkasta oo wareegtadu aysan shaacin sababta rasmiga ah ee xil ka qaadista Qoone, hadana waxay timid hal toddobaad ka dib markii uu si toos ah ugu dhaliilay labo mas'uul oo ka tirsan maamulka Hirshabelle oo ku saabsan jawaab celintooda gaabiska ah ee threat-yada Al-Shabaab ee gobolka.

Qoone ayaa dhowaan sheegay muhiimadda ay leedahay midnimada dagaalka ka dhanka ah Al-Shabaab, isagoo tilmaamay in Soomaaliya ay ku jirto xilli adag oo ku saabsan dagaalka ka dhanka ah kooxda argagixisada ah.

Waxa uu sidoo kale ka muujiyay niyad-jab ku saabsan xaaladda siyaasadeed ee gobolka Gedo, isagoo ku eedeeyay dowladda inay si wax ku ool ah u maareyn la’dahay.

GAROWE ONLINE