Nabadoon lagu gowracey duleedka Qoryooley

Image

March 15, 2015 (GO)- Nabadoon caan ahaa ayaa xalay lagu diley duleedka degmada Qoryooley ee gobolka Shabeellada Hoose.

Nabadoonkan oo lagu magacaabi jirey Bashiir Xasan Cabdulle Xooshow waxaa isaga iyo wiil uu dhalay lagu dhex gowracey beertiisa oo ku taalla meel saddex kiilo mitir Qoryeel u jirta.

Guddoomiyaha gobolka Shabeellada Hoose Cabdiqaadir Nuur Siidi  oo la hadlay VOA ayaa dilka nabadoonka ku eedeeyey Al-shabaab.

Cabdiqaadir Siidi oo la weydiiyey sababta dilkan keentay wuxuu sheegay inay u maleynayaan in arintani la xiriirto muran dhanka dhulka oo ka dhexeeyey Nabadoon Xooshow iyo sarkaal ka tirsan Al-shabaab.

Waa markii labaad muddo todobaad gudihiis ah ee dad lagu gowraco deegaano ka tirsan gobolka Shabeellada Hoose.

GAROWE ONLINE

Related Articles

Maraykanka oo Sheegay In Uusan Wadahadallo Kula Jirin Somaliland Si Loo Aqoonsado

Madaxweyne Trump ayaa dhawaan mar kale muujiyay xiisaha uu u qabo arrimaha amniga ee Soomaaliya.

  • Soomaliya

    28-08-2025

  • 05:02PM

Kenya oo Dhex-dhexaadinaysa Xasan Sheekh iyo Axmed Madoobe

Khilaafkan siyaasadeed wuxuu imaanayaa xilli uu muran xooggan ka taagan yahay wax ka beddelka dastuurka.

  • Soomaliya

    28-08-2025

  • 01:02PM